Akar Kelape Kue Khas Bekasi

Akar Kelape Kue Khas Bekasi yang hampir punah

Bekasi Timur (WismaJaya) - Kalau kite baca sejarahnye, pasti dah tau, ato liat aje ndiri klik aje di mari Nah kalo ude tau, baru dah nyadar kalo Betawi Bekasi ntuh umurnye lebih tue ketimbang Bekasi di sono noh Jakarte. Nah lebih jauhan lagi, ternyate kite juge keturunan Jawe.

Jadi Bekasi bukan aje masih sodaraan same Betawi nyang elo pikir ntuh Jakarte. Jadi elo jangan pade heran, kalo kue nyang ade juge mirip-mirip ame nyang ade di Betawi Jakarte sane.

Kue Akar Kelape atau orang Betawi bilangnye kue procot/clorot. Nih dikarenain care bikinnye diprocotin. Nah akarnye elo liat ndiri dah, bentuknye khan emang mirip akar kelape.

Akar Kelape nih, jadi makanan khas saatnye hari raye. Jadi, kalo elo ngaku orang Bekasi, ya kudu pasti punye kue eni, pas lebaran. Orang Betawi bilang, kagak afdol kalo nih kue kagak disuguhin ke tamu pas hari raya.

Akar kelape dibuat dari tepung ketan, gula pasir, margarin, telur dan air. Tapi ada juge nyang nambahin wijen di adonannye, biar rasanye tambah gurih. (SSM)